Ha sido un mes de votaciones, de papeleo. Un carnaval en las calles de un lugar y otro. Resultados dispares en un lugar y otro pero que han entreabierto puertas a nuevos escenarios. Escenarios que nos dejan seguir soñando, y que a algunas personas les han empujado a comenzar a soñar, que no es poco.
En Santiago de Chile también ha habido vaivén de papeles, con no pocas anécdotas por contar: el domingo estaba prohibido tomar alcohol ( por decreto de ley, si señoras y señores), volaron votos de algunas comunas y hasta Salvador Allende llegó a votar en una de ellas sin que el resto de los humanos nos enteráramos de su resurrección. Se han desojado margaritas y algunos dinosaurios pinochetistas disfrazados de demócratas han tenido que salir huyendo por la puerta de atrás. Ellos siempre dignos, con la mentira como verdad. No han salido electos pero siguen erectos con el comodín que les da la democracia, con tanta vanidad, con tanta holgazanería...con tan poca vergüenza. Lo que hay que ver.
Hauteskunde garaia izan dugu neure bi etxeetan: hasieran Euskal Herriaren txanda izan da. Astebete beranduxeago, Santiagoko auzoetako hauteskundeak izan dira. Hamaika alderdi politiko aritu dira gazta zati baten bila; batzuek txukun jardun dute haien gazta puxkaren bila, hiri honen gorputza pittin bat moldatzeko xede gardenaz. Beste batzuek ohiko estrategia zakarra erabili dute jendea erakartzeko..kanpaina zikinak, handikeria, hitz ugari baina mezu gutxi.
Izan dira bitxikeriak, zer kontatua, inondik ere. Hauteskunde egunean adibidez, debekatuta dago alkohola edatea. Bai, halaxe da, tabernak itxita daude eta supermerkatuetako apalategiak giltzapeturik ( kontuan har bedi hemen igandea eta edozein jaiegun dela "lan "egun, halantxerik gaude, bai ). Auzo batzuetan botoak galdu egin ziren, dozena bat, hogei eta ehun paper zati eraman zituen haizeak, apetatsu.
Salvador Allendek ere botoa eman zuen San Bernardo auzoan! jexux...batzuk triste eta burumakur hilik zegoelakoan, hara non agertu zen ostera ere ameslariak esnatzera...pena "botoa" besterik ez ei zuela eman..
Providencia auzoko hauteskundeetan gertatu zena deigarria egin zait. Ez, deigarria ez, nazkagarria.
Labbe gizona izan da orain arte auzo hura kudeatzen ibili dena. Bere legegintzaldian auzoa bere kaiara maneiatu du, Pinochet garaiaren nostalgikoa dugu personaje hau. Garai ilun hartan generalaren ministroa izandakoa da eta egun politikan erabateko askatasunaz jarduteko eskubide osoa dauka. Hauteskundeak galdu ditu ordea, eta emaitzen aurrean apal agertu beharrean, "erekzio" politikoa azaldu zaio bistan.
Pinocheten jarraitzaile izatearren galdu badu, pozik doala esan du zentsurarik gabe, demokraziaren izenean. Herria okerturik omen dago norabide berrien aurrean; militar ohiak gauero ondo egiten du lo, damurik ez da haren ametsgaiztoetan. Erabaki zuzenak hartu ditu agintean izan den bitartean, besteak beste, iaz Miguel Krasnoff DINAko kide ohiari egindako omenaldia. Krasnoffek Pinochet garaian giza eskubideen aurkako erailketak burutzearren, ehun urte baino gehiagoko gartzela zigorra du.
Baina ez da ezer gertatzen, demokrazian gaude eta.
No hay comentarios:
Publicar un comentario